Hugsað um neytendur!?

Erla Magna sendi staðgengli umboðsmanns neytenda tölvupóst sem minnir á fyrirtaks fjölskyldumynd frá Disney-fabrikkunni á þann hátt að hann byrjar illa en endar dásamlega vel. Gjörðu svo vel, Erla:

“Það er fátt sem gleður íslenska neytendur þessa dagana og virðist verð hafa margfaldast þótt gengið rúlli upp og niður. Við fáum bara hækkanirnar. En - svo fór ég í apótekið Lyfjaver á Suðurlandsbraut í gær og sótti þrjár gerðir lyfja. Þrátt fyrir lyfjakort hef ég undanfarið ár borgað um 4 til 5.000 krónur fyrir þessi lyf, hvar sem ég hef keypt þau. Í Lyfjaveri á Suðurlandsbraut borgaði ég 1.500 krónur, og þar af voru sum með 40 prósenta afslætti. Þar er hugsað um neytendur.”